Alte Urkunden des Kirchspiels Herzlake

Meppener Urkundenbuch Nr. 172

1404, März 9.

Gerhard Zwartewolt verkauft dem Kirchenrate in Herzlake den Vrezen Kotten zum Velsten für 7 ½  Mark.

Original: Pfarrarchiv Herzlake. Die Urkunde ist beschädigt.

(Ick Clawes Merkorn anders geheten van den Ryne in der tyd eyn zworen rychter to Lunne do kundich allen luden , de dessen (breff) lezen -de betughe openbare, dat vor my quemen in eyn heget. rechte to Lunne Gherd Zwartewolt, (ver. Lyze syn ech)te vrouwe, Matheus, Clawes, Gherhardus, Greteke unde Hermen syne kindere unde bekanden aldar, dat ze myt will(len unde vul­bort) al erer rechten ervend hadden verkoft eynes rechten steden vasten erffliken ewighen kopes unde leten up aldaer (myt hande unde) munde rechtlike unde redelike in eyne rechten upborne hebbene were erfflike unde yumbermeer Johanne . . . n unde Hermene ton Bussche in der tyd kercratlude to Herslike unde eren nakomelincgen , de yo kercratlude (synt) , to nut unde to behoff der zulven kerken Vrezen kot, beleghen in der burscap ton Velsten, myt ware myt (toppe unde twi)ghe myt aller slachtennut unde myt al syner rechten olden unde nygen tobehoringe, alse dat beleghen ys in (der burscap) ton Velsten in den kerspele to Herslike, unde hadden um dat verkofft vor recht dorslachtich vry eghen erve (vor achteh)alve marck guder ghever pennincge, de um al unde wal betatet weren . Oick zo verteghen Gherd unde ver. (Lyze v)or­nompt in den zulven gherichte up dat kot vorscreven myt al syner vorsprokenen tobehoringe unde up (dat recht), dat ze aldus lange dar an hadden , offte dat eer ervend hyr namales dar yumbermer an hebben mo(chte myt rechten) genigerleye wys. Vortmer so loveden Gherd, ver. Lyze, Matheus unde al de anderen kindere vornompt (myt sa)mender hant alse rechte zakewolden beyde vor zick unde al eer ervend den vornomden kerckratluden unde (der) kercken behoeff des kotes myt al syner vornompten tobehoringe unde myt aller slachten nut vor recht dor .. unde gud rechte gude vaste erfflike warscap to done, war unde wanner myt wen unde alzo vakene, also um (des noet ys) unde sunder vortoch. Hyr weren an unde over Rolff Schat unde Koerd Monik kornoten des gerichtes , her (Bernd (?) va)n Vlechtmen , her Gosscale kercher to Herslike, Meynhard de kremer , eyn borgher to Lunne , unde ander gude (lude , de) tughe weren . Al argelist unde nygevunde ut ghe­sproken , de in dessen stucken hinderen moghen genighewys . (Dat dyt stede) unde vast blyve, dat betughe ick Clawes eyn zworen rychter vornompt van gerichtes weghene myt mynen (ingesegel , dat an dussem) breve hancget . Unde ick Gherd Zwartewolt vornompt to eyner merren betuchnisse al desser vorsc. (punte und articule) hebbe ick rnyn ingeseghel vor uns allen vornompt und vor al unze rechten ervend ouck in dessen zulven (breve gehancgen) . Datum anno Domini MCCCC quarto die dominica , qua cantatur in ecclesia Dei Letare Jherusalem .

Siegel abgefallen.

Quelle: Hermann Wenker, Meppener Urkundenbuch, Meppen 1902 - 1906.

Vorige Urkunde
Nächste Urkunde
Zurück